DAVAO CITY- Patay ang drayber sa motorsiklo human nga nabangga kini sa kasugat nga truck sa Calinan ning dakbayan kaganihang kaadlawon.
Subay sa report sa kapulisan, pasado alas kuatro ganihang kaadlawon nahitabo ang panagbangga sa Purok 23, Acacia, sa Davao-Bukidnon Highway, Calinan District, ning dakbayan sa Davao.
Nasayran nga nalambigit sa disgrasya ang usa ka Freightliner Prime Mover Truck nga gimaneho ni Roland Omandam Maghuyop,34-anyos, minyo ug residente sa Campo 5, Barangay Talomo River, Calinan District, ning dakbayan sa Davao.
Samtang usa ka Honda XRM 125 single motorcycle nga gimaneho ni Marlon Tagaro Abuno, hamtong ang panuigon,ug residente sa Purok 8, Poblacion Libona, Bukidnon.
Samtang sakay niini ang ginganlan ug Angel, 18-anyos nga residente sa Aplaya, San Juan, dakbayan sa Digos.
Sa inisyal nga imbistigasyon, nagsubay ang duha ka mga sakyanan sa Davao-Bukidnon Highway diin ang truck gikan sa Calinan Poblacion padulong sa Barangay Riverside, samtang ang motorsiklo ang gikan sa Barangay Riverside padulong Calinan Poblacion.
Apan pag-abot sa nahitabuan, nisubay sumala pa ang motor sa pikas dalan nga hinungdan sa pagkabangga niini sa truck.
Tungod sa kakusog sa pagkabangga, nalagpot ang drayber ug nabunal sa semento nga kasada nga aoy inungdan sa iyahang kamatayon.
Samtang ang Sakay niini ng nakhiagom ug pangos ung bun-og sa kalawasan nga gidala sa SPMC Hospital pinaagi sa Central 911 Ambulance.
Tungod sa pagkabangga, nakaangkon ug danyos ang duha ka ga sakyanan.
Ang drayber sa prime mover truck ang anaa sa kostudiya sa kapulisan samtang uban sab ang gimanehong sakyanan ingon man ang motorsiklo.
