DAVAO CITY – Aron masiguro nga han-ay ang nagpadayon karon nga pagpanghatag ug hinabang nga alang sa mga nabiktima sa linog, gikanayon ni Cabinet Sec. Karlo Nograles nga padayon sumala pa nga naka-monitor niini ang palasyo sa Malacañang.
Sumala pa kang Nograles nga gibantayan kini sa palasyo ilabi na karon nga sunod-sunod ang mga hinabang nga gitunol alang sa mga biktima sa linog nga gikan sa mga opisyal sa Local Government Units (LGUs) mga private sector ingon man sa uban pa nga mga indibidwal nga adunay malumong kasing-kasing.
Bantayan sab sumala pa kini sanglit dili sa tanan nga panahon adunay madawat nga hinabang ang mga biktima ug posibleng maghinay-hinay na sab kini sa umaabot nga mga bulan.
Kahinumduman nga hangtud karon ginadayo pa gihapon sa mga pribadong indibidwal ang mga lugar sa Davao del Sur sa Makilala sa Cotabato aron personal nga mohatag ug hinabang alang sa mga biktima sa kalamidad.
