DAVAO CITY – Gihagit ni Mayor Inday Sara Duterte-Carpio ni Anak Kalusugan partylist Representative Mike Defensor nga hinganlan ang gikanayong mga tawo nga nagpakatag ug “disinformation.” pinaagi sa text.
Una niini, gipahimangnoan ni Mayor Inday si Defensor nga kinahanglan ihunong na ang intriga ug ipagula ang pangalan sa gikanayong nagpakatag sa text message aron nga mismong ang mga tawo ang mosubay kung adunay kamatuoran ang maong pasangil.
Kahinumduman nga gipakita ni Defensor ang gikanayong text message sumala pa ni Mayor Inday diin mi-apela sumala pa kini sa mga miyembro sa House of Representatives nga iboto kung si kinsa ang buot niini nga mamahimong Speaker of the House sanglit ang iyang amahan ang na-set up lamang sa gikanayong mga hakog nga miyembro sa gabinete nga mga kaubanan sumala pa ni Taguig 1st District Representative Alan Peter Cayetano.
Giyagyag sab ni Mayor Inday nga pipila ka higayon nga nakiglambigit kaniya si Defensor pinaagi sa usa ka Charo Munsayac diin mihangyo sumala pa kini kaniya alang kang Leyte Representative Martin Romualdez nga kalakip sab sa kandidato sa speakership apan iya kining gitubag nga dili siya maglabot-labot sa maong hisgutanan.
Subli sumala pa siya nga giduol ni Rep. Defensor kalabot sa desisyon sa term sharing apan wala na matud pa siya mihatag ug pahayag niini.
Una ng nangayo ug pasaylo si Defensor kang Mayor Inday human ang gikanayong pagpagula ug text message nga gikan sa alkalde nga hugtanon sab nga gipanghimakak sa opisyal.
