DAVAO CITY – Subli nang gipailawom sa State of Calamity, ang lungsod sa New Bataan, Davao de Oro human nasinatian ang magnitude 5.9 nga linog kaniadtong Martes, Marso 7, ning tuiga.
Subay kana sa gipagawas nga Resolution No. 2023-201 nga giaprubahan sa mga bokal ug dagkong opisyales sa lokal nga panggamhanan sa lungsod.
Sumala sa PRDDMO Davao de Oro as of March 9, 12AM, anaa na sa 1,779 ka mga residente sa 12 ka mga barangay ang sa kasamtangang anaa sa evacuation centers.
Sa pikas bahin, naglusad og ocular inspection ug site assessment ang PDRRMO uban ang PHIVOLCS partikular sa New Bataan diin natala ang epicenter sa kusog nga paglinog sa probinsya.
Gipahigayon sab sa matag munisipyo ang Rapid Damage Assessment and Needs Analysis kun RDANA aron madeterminar ang gidak-on sa kadaot ug diha-diha nga tubag nga mga kinahanglanon nga gikinahanglan sa gobyerno aron matabangan ang apektadong populasyon.
via || Bombo LJF
