Nagbaton og 4 ka asawa ug 2 ka nobya ang usa ka lalaking way trabaho!
Gikabutyag ni Ryuta Watanabe, 36-anyos og residente sa Northern Prefecture sa Hokkaido, Japan nga gusto niining ilhon isip “god of marriage” sa Guinness World Records.
Hinungdan matud sa iyang kahimtang karon ang nasinatian niining depresyon gumikan gibiyaan kini sa iyang hinigugma rason nga nakigila-ila kini og daghang babaye pinaagi sa mga dating app.
Ang mga babayeng kaipon niini ang gikonsiderang ‘common-law in nature’ gumikan wala gitugan sa Japan ang polygamy.
Ginaila sila nga mag-partner og daw set-up usab sa kasado nga mga indibidwal ang ilang relasyon, apan wala lamang formal registration.
Walay trabaho si Ryuta sulod na sa usa ka dekada kon 10 katuig ug nagasalig lamang sa sweldo sa iyang mga asawa.
Nunot pa man niini, si Ryuta hinoon ang in-charge sa mga trabaho sa balay lakip na ang pagluto ug pag-atiman sa mga anak niini.
Matag bulan, muabot ngadto sa 914,000 yen ukon P350,000 matag bulan ang ilang magasto, apan di kini problema gumikan ginatungaan kini sa iyang mga asawa ug 2 ka nobya.
Isip balos sa kaayo sa iyang mga karelasyon, nagabalhin-balhin si Ryuta sa matag kwarto sa iyang 4 ka asawa ug mga uyab matag gabie depende sa iyang bet nga makauban ug katapad sa pagtulo.
Gani, gipasigarbo pa niini nga 28 kahigayon kining makighilawas sulod sa usa ka semana ug bisan usa sa mga karelasyon niini, walay nagaselos gumikan managhigala matud pa silang tanan ug plano pa niining magdugang og asawa.
Tumong niini nga madungagan ang iyang 10 ka anak aron apason ang rekord ni Japanese shogun nga si Tokugawa Ienari nga napatay niadtong 1841 nga nagbaton og 54 ka mga liwat.
Giila si Tokugawa nga longest-serving shōgun sa Tokugawa shogunate sa Japan nga adunay 53 ka anak og adunay 27 ka ginapuyo nga babaye sa Edo Period kon tunga-tunga sa 1603 ug 1868.
