-- ADVERTISEMENT --
DAVAO CITY – Kamatayon ang nahimong kapaingnan sa usa ka lalaki human natabunan ug yuta samtang gikatahong nag-treasure hunting sa Purok 7, Tubing, Barangay Poblacion, Governor Generoso, Davao Oriental niadtong Lunes sa buntag.
Giila sa Municipal Disaster Risk Reduction Management Office ang biktima nga si Romeo Delcampo Jr., hamtung ug lumulupyo sa Barangay Nangan, Governor Generoso, Davao Oriental.
Subay sa report sa mga niresponde sa insidente, nagkalot og yuta ang nahisgutang lalaki aron mangita og “treasure” apan napakyas kini human malubong sa gikalot nga yuta.
Dali-dali nila kining gihatud sa balay tambalanan apan nadeklarang dead on arrival ang biktima.
via || Bombo LJ Florendo
-- ADVERTISEMENT --
