DAVAO CITY – Muabot sa 88 ka mga identified Former Rebels sa Davao del Sur, Davao City ug Davao Oriental ang nahatagan og Livelihood Settlement Grants (LSG) sa DSWD Field Office XI pinaagi sa Sustainable Livelihood Program (SLP) niadtong Agosto 31 hangtud Setyembre 2 ning kasamtangang tuig.
Nakadawat ang matag benepisyaryo og anaa sa P20,000 alang sa ilang livelihood project diin anaa sa kinatibuk-ang P1.76 million ang pondo nga gipagawas alang niini. Katambayayong sa DSWD XI sa maong aktibidad ang mga nagkadaiyang Local Government Units, Philippine National Police, ug ang Armed Forces of the Philippines uban ang hiniusang tumong nga magmugna og economic opportunities alang sa mga kanhi rebelde pinaagi sa livelihood assistance ug uban pang social services.
Bag-ohay lamang usab, personal nga gitambungan ni DSWD XI Regional Director Atty. Vanessa B. Goc-ong ang paghatag sa susamang grant sa Marilog ning dakbayan niadtong Setyembre 1.
