Nagpadayag sa iyahang kasadya si kanhing Senadora Leila de Lima, labot sa pagkapukan sa “Uniteam” diin maoy usa matod pa ka “blessing” kon panalanganin alang kaniya, hinungdan nga gaawhag sumala pa kini ngadto sa publiko nga ibalandra ang mga anumalya sa nakalabayng administrasyon.
Kini subay na usab sa padayong ginapahigayong imbestigasyon ug pagdungog sa House Quad Committee, labot sa Extrajudicial killings (EJKs) ug ang mga kakulian ilawom sa Philippine Offshore Gaming Operators (POGO) nga maoy nalambigit nga isyu niadtong nakalabay nga administrasyong Duterte.
Atol sa ginapahigayong mga pagdungog sa Quad Comm, usa sa mga mipadayag og testimonya labot sa EJK mao si self-confessed drug lord Kerwin Espinosa, diin gibutyag niini nga si kanhing PNP Chief ug kasamtangang Senador nga si Ronald Bato Dela Rosa, maoy gamando kaniya ug uban pang mga saksi nga buhat-buhatan og sala sumala pa si Delima nga adunay kalambigitan sa drug trafficking hinungdan nga na bilanggo kini sulod sa unom ka tuig.
Dugang pa ni Delima nga aduna matud pa kini laraw nga pasakahan usab og kaso si Senador Ronald Bato Dela Rosa.
