DAVAO CITY – Gikatakda nga i-presenta karong Abril 24, kasamtangan nga tuig sa prosecution panel sa Richard King murder case ang kanhi regional director sa Criminal Investigation and Detection Group (CIDG) alang sa ipahigayon nga pagdungog sa maong adlaw.
Nasayran sa gipagula nga impormasyon gikan sa Regional Trial Court si Sr. Supt. Joel Pernito, usa sa duha ka mga katapusan nga saksi nga i-presenta sa prosecution.
Nasayran nga si Pernito usa ka kanhi commander sa Special Investigation Task Group (SITG) Richard King, nga gimugna aron nga sulbaron ang kamatayon sa negosyante nga gipusil patay kaniadtong hunyo 12, 2014 sulod sa iyang Vital-C office sa Sobrecarey Street sa Barrio Obrero, ning dakbayan.
Pipila sa mga gilambigit sa krimen ang gilangkuban nila ni kanhi police officer Leonardo Felonia nga gikanayong utok sa krimen.
Gawas sa nahisgutan, suspek sab sila si Paul Dave Labang, ug managsuon nga sila si Rommel ug Rodel dela Cerna.
