DAVAO CITY – Laraw karon sa Department of Tourism nga tukuran ang Island Garden of Samal, sa probinsya sa Davao del Norte, ug usa ka pasalubong center alang sa mga bisita nga buot musuroy sa isla.
Gikanayon ni DOT 11 director Tanya Rabat-Tan nga ang maong gambalay, mamahimong sab nga information center ug pasalubong center nga magpakita sa mga gipasigarbong produkto sa isla.
Magsilbi usab kini sa mga biyahero nga nanginahanglan og akomodasyon, impormasyon, kaluwasan, seguridad, ug desente ug limpyo nga kasilyas.
Usa kana sa mga nakitaang paagi sa buhatan aron muusbaw ang industriya sa turismo sa isla.
Pangunahan sa DOT ang maong proyeko uban ang Tourism Infrastructure and Enterprise Zone Authority ug laumang suportahan sab kini sa lokal nga panggamhanan sa Samal Island.
Wala pa nagbutayg ug mga detalye ang buhatan mahitungod sa mamahimong starting date sa maong proyekto.
via || Bombo LJ Florendo
