Sugdan na sa Senate Blue Ribbon Committee ang anomaliya sa flood control projects karong adlawng Martes, Agosto 19 ning tuiga.
Sumala ni Senador Rodante Marcoleta nga daw ‘challenging’ kon kulbahinam ang mamahimong imbestigasyon gumikan sa dakong problemang gikaatubang karon sa nasud sa hisgutanang anomaliya sa flood control project.
Ang organizational meeting ug unang pagdungog sa komite magsugod alas 10:00 sa buntag sa Senate session hall.
Kahinumdumang miboluntaryo si Baguio City Mayor Benjamin Magalong nga pangunahan niini ang imbestigasyon sa anomaliya sa flood control projects.
Sumala pa ni Magalong, di mamahimo nga mangunay ang mga kongresista sa pag-imbestiga sa ilang mga kaugalingong anomaliya.
Gibulgar sab niini nga sa 100% nga presyo sa proyekto kon project costs, 25% ang ihatag sa commission on appropriations, samtang 5-10% alang sa mga kongresista o parking fee o pass through sa laktod nga pagkaistorya.
Samtang, 3% ang bahin sa bids and awards committee kon sa Department of Public Works and Highways (DPWH), 3% sab ang paingon sa ‘moro-moro’ nga bidding.
Kuntahay 12% ang kita sa construction company, 30% na lamang matud pa ang mabilin sa flood control control project.
