Gipahinumduman ni Yuri Lim, ang labaw sa Traffic Law Enforcement Unit sa LTO XI ang mga motorista nga mamahimong responsable bisan pa man nga walay naga mando sa kadalanan.
Gibutyag sa maong opisyal nga labing daghang aksidente ang nahitabo sa kadalanan gumikan sa “human error” kun itandi sa “mechanical failure.”
Saysay pa ni Lim nga hingpit nga gipahugtan sa buhatan ang pagsusi sa pagkuha sa driver’s license ug uban pang mga rekisitos sa mga motorista.
“Distracted driving” o kun paggamit og mobile phone ang nakitang anggulo sa buhatan nga hingpit nga rason sa gikaigong mga aksidente sa kadalanan.
Dugang pa niini nga ang maong mga insidente sa kadalanan mahulog gihapon sa pagka disiplinado sa mga motorista ingon man nga secondary cause lamang ang mechanical failure pag-abot sa mga panghitabo sa dalan.
Pagpaklaro usab ni Lim nga lakip sa hinungdan sa mga disgrasya mao ang mga road conditions sama sa bag-ong abling kadalanan o bypass routes nga kulang sa mga suga ug traffic signals, diin kasagaran sa maong mga lugar ginapahigayunan og illegal drag racings.
