Padayon ang pagsaka sa kaso sa Human Immunodeficiency Virus kon(HIV) sa Davao City, base sa gipagawas nga pahibalo sa Reproductive Health and Wellness Center (RHWC) sa City Health Office.
Gikanayon ni Richard Reyes, Case Manager sa RHWC-CHO Davao, ang maong pagtaas kay resulta sa mas daghang indibidwal nga napailawom sa HIV testing nga gidala sa ilang buhatan ngadto sa mga komunidad.
Kasagaran sa mga nagpositibo sa sakit nakakuha niini pinaagi sa dili protektadong pakighilawas.
Dugang pa niya, aduna na usab mga kabatan-onang apektado sa sakit sa sayong pang edaron.
Usa sa pinakabata nga na-diagnose mao ang 13-anyos, samtang aduna usab usa ka 15-anyos nga nadugang sa listahan sa mga kaso.
Kini nagpakita nga ang HIV dili lang limitado sa hamtong nga populasyon gawas kon naghulga na usab sa mga kabatan-onan.
Aron malikayan ang dugang pagkatap sa sakit, nagpadayon ang buhatan sa ilang kampanya sa edukasyon.
Ilang ipatigbabaw ang kahinungdanon sa paglikay sa rason sa pagtakod sa sakit, lakip ang pagpili sa abstinence ug paggamit sa mga contraceptives sama sa condom ug uban pang pamaagi.
Padayon usab ang pagpaningkamot sa pagpukaw sa kahibalo sa publiko mahitungod sa HIV ug pagpasiugda sa importansya sa regular nga pagpacheck-up.
Gipasiugda nga ang maayong kahibalo ug responsableng kinaiya sa panglawas makatabang sa pagpahunong sa pagkatap sa sakit sa dakbayan.
