DAVAO CITY – Gihatud na sa iyang ulahing kapahulayan ang 19 anyos nga Criminology student na si August Ceasar Saplot. Pinagi sa usa ka pribadong lubong sa usa ka memorial park ning dakbayan, gilubong ang patayng lawas ni Saplot kagahapon.
Napuno sa masulub-ong emosyon ang burial rites gumikan kana sa iyang pait nga kamatayon. Hangtod karon, hustisya ang nagpadayong singgit sa nagbangutang pamilya sa biktima.
Kahinumduman nga gikumpirma sa abogado sa pamilya nga si Atty. Gen Mabale Sepe nga kasamtangan nang gitanggong sa selda ang unom ka mga myembro sa Alpha Kappa Rho – Alpha Delta Chapter nga naglusad ug initiation rites nga gikamatyan sa biktima.
Non-bailable o walay pyansa nga ipahamtak ang gipasakang kaso nga paglapas sa Anti Hazing Law batok kanila busa dili makagawas ang mga biktima.
At large pa gihapon ang uban pang mga myembro sa fraternity nga nalambigit sa maong kaso nga kasamtangang ginapangita karon sa mga otoridad.
VIA || Bombo LJ Florendo
