Gibarugan ni Senator Alan Peter Cayetano nga siya sa gihapon ang lehitimong Senate President bisan pa sa nahitabong pagbag-o sa liderato sa Senado atol sa sesyon nga gitambongan ni Senator Chiz Escudero.Gipahibalo usab sa iyang opisina pinaagi sa usa ka memorandum ang tanang senador nga magapadayon ang Blue Ribbon Committee hearing nga nakatakdang himuon ugma may kalabotan sa giingong mga iregularidad sa flood control projects.
Matud pa, una nang gipadayag ni Senator Erwin Tulfo, nga karon maoy naglingkod isip Chairperson sa Blue Ribbon Committee, nga ipadayon ang pagdungog sa komite karong Lunes, Hunyo 8, 2026. Samtang gipunting usab ni Senador Alan Peter Cayetano nga ang giingong utok o mastermind sa labing dako nga corruption scam sa kasaysayan sa Pilipinas gikan kuno sa han-ay nga oposisyon.
Gipasabot usab sa senador nga ang giingong flood control scam dili aksidente o ordinaryong kapalpakan lamang, kondili resulta sa kahakog ug sistematikong korapsyon. Gipaambit usab niya nga walay kahumanan ang korapsyon sa nasud kon dili mabutyag ang tibuok kamatuoran ug mapanubag ang mga responsable niini. Matud pa niya, kabahin sa tinuod nga reporma ang pag-angkon sa sayop ug pag-atubang sa responsibilidad sa mga nakalapas sa balaod.
