DAVAO CITY – Apil sa hugtanon nga mibantay sa mga chokepoints atol sa transport strike niining adlawa mao ang mga pundok sa mga kababayen-an nga Gabriela Southern Mindanao.
Sumala pa kang Escora Espenosa, Vice-Chairperson sa Gabriela Southern Mindanao nga ang kababayen-an apektado sab sa pagpatuman sa transport modernization gumikan kay kung wala’y mamahimong kita ang mga kalalakin-an mapagan ang tanan.
Sumala pa kang Espenosa nga supak gayud sila sa pagpuli sa mga kasamtangan nga mga Jeep sa mga moderno nga mga sakyanan gumikan sa polusyon.
Kini gumikan kay halos susama lamang gihapon ang mamahimong epekto niini diha sa mga kadalanan.
Bahin sab sa kagout sa dagan sa trapeko, gipahayag ni Escora Espenosa nga bisan kung bus na ang magdagan sa dakbayan samot nga magkaproblema ang siudad gumikan sa kadagku sa mga bus.
