DAVAO CITY – Nanawagan karon ang grupo sa mga exporters ug long-term solution kalabot isyu sa seguridad sa mga industriya sa saging diin ipahigayon sumala pa kini pinaagi sa pagpadayon sa hinabing pangkalinaw tali sa gobyerno ug mga komunistang grupo.
Matud pa kang Ferdinand Marañon, Presidente sa Philippine Exporters Confederation Inc. (Philexport) sa Davao Region, ang peace and order mao nag-unang gikinahanglan karon sa Banana Industry nga padayon sumala pa nga nakasinate ug pagpanghasi ingon man pagpangatake sa mga armadong grupo.
Nabalaka sab ang mga nahisgutan sa ginapahigayon nga pagpatay ug pagpangsunog sa mga rebelde sa higayon nga mapakyas ang usa ka kompanya sa paghatag ug “revolutionary taxes.”
Kahinumduman nga kaniadtong bulan sa Abril ning kasamtangan nga tuig, sunod-sunod nga pagpangatake ang gilusad sa mga NPA dinhi sa dakbayan partikular na sa Lapanday Foods Corporation (LFC) diin mikabat sa P2-bilyones ang natalang danyos.
Mikabat sab sa 100 ka mga empleyado ang nawad-an human ang nahisgutan nga insidente.
