DAVAO REGION- Nahaybol ang duha ka mga sakyanan nga gipanag-iyahan sa gobyerno human sa nahitabong disgrasya kagainang buntag sa managlahing dapit dinhi sa rehiyon.
Sa report gikan sa MDRRMO Mawab, pasado alas sais ang takna kaganihang buntag usa ka L300 Mitsubishi AUV ang nabalintong nahayang na nga nahimutang daplin sa karsada sa Km 68, National Highway, Brgy. Tuboran, Mawab, probinsya sa Davao De Oro.
Subay sa ininsyal nga ipormasyon, nawad-an sumala pa ug kontrol ang drayber sa manobela ug napadulong kini sa kilid nga bahin sa karsada nga adunay kanal.
Hinuon atol sa maong panghitabo, walay natala nga naangol o nakabsan sa kinabuhi.
Samtang sa laing bahin, nadisgrasya sab ang usa ka sakyanan sa K-9 Unit nga natuwad kilid sa karsada nga kilid sa mga residente sa KM 19 Pantatan, Bry.Tugbok, ning dakbayan sa Davao pasado alas dyes kaganihang buntag.
Makita sa hulagway ang porma sa sakyanan human kini mahaybol.
Sa pagkakaron wala pay gipaguwa nga pamahayag ang kapulisan sa Los Amigos kabahin sa maong panghitabo.
