Nagduso og usa ka sugyot nga balaodnon si CIBAC Partylist Representative Eddie Villanueva sa pagdili sa mga kabatan-unan nga 16 anyos paubos sa paggamit sa social media.
Sa House Bill 8262, o ang “Social Media Protection For Minor Act,” tuyo niini nga dili pa una tugutan ang mga batang 16 anyos paubos nga maka-access sa social media.
Kini nga lakang gisugyot isip tubag sa nagkataas nga kaso sa negatibong epekto sa mental health, kaluwasan, ug pagdako sa mga bata tungod sa paggamit sa social media.
Sumala pa ni Villanueva nga ang pagprotekta sa mga bata batok sa dili angay nga paggamit sa social media usa ka moral ug national responsibility.
Dugang pa niya, gikabalak-an niini ang negatibong epekto sa social media sa kabatan-unan diin dali silang ma-expose sa kapintasan, kabastusan, ug uban pang dili maayo nga batasan.
Kahinumduman, nagpatuman ang Australia og balaod nga nagbawal sa mga bata sa paggamit sa social media, nga gisundan sa France, Spain, Malaysia, ug Indonesia.
