Duha ka Ice Plant sa Toril gikansela ang lisensya ug operasyon dungan sa nagpadayong imbestigasyon sa Diarrhea Outbreak sa Toril

DAVAO CITY – Gipasirad-an karon ang duha ka mga ice plant sa Toril ning syudad human namatikdan nga nagpositibo kini sa bacteria atol sa gipahigayon nga eksaminasyon sa City Health Office.

Matud kang Dr. Ashley Lopez, hepe sa City Health Office (CHO) , nagpahigayon sila og sample testing gikan sa mga ice nga gibaligya sa duruha ka mga ice plant sa Toril.

Nasayran sab nga sagad kining ginakuhaan sa mga street food vendors sa Toril.

Nasuta sa otoridad nga dili matud pa haum sa environmental sanitation code ang ginakuhaan og tubig sa ice plant ingon man daghan sab silang kalapasan nga nahimo.

Ning kasamtangan sab, gikanselaang mga lisensya ug operasyon sa nasangpit nga mga planta.

Via || Hana Rallos