Gipahayag sa presidente sa Davao Travel Agencies Association (DTAA), Inc. nga si Gian Caguiat, ang iyang paglaum nga makab-ot sa ahensya ang ilang target nga kita nga P20 milyon alang sa umaabot nga Davao Mega Travel Sale nga gikatakda sa Pebrero 21 hangtod 23, 2025.
Ang kalihukan ipahigayon sa activity center sa Abreeza Ayala Malls, ug giingon nga kini ang labing dako nga travel sale sa Mindanao.
Sumala pa ni Caguiat, nga karong tuiga, 12 ka travel agencies ang mosalmot ug magatanyag og mga diskwento nga plete, hotels, tours, ug cruises.
Gipahayag usab ni Caguiat nga ‘excited’ sumala pa kini sa kalihukan karong tuiga gumikan mutanyag usab kini og mga ‘tour packages’ gikan sa mga nasud sa pito ka kontinente.
Sumala pa sa opisyal, nga sa miaging tuig, ang gitanyag niini mao ang unom ka kontinente susama sa Asia, Africa, North ug South America, Europe, ug Australia.
Apan karon, nahilakip na ang Antarctica.
Dugang pa niini, nga adunay usab mga bag-ong destinasyon nga wala pa nabisitahan nga ilang gustong itanyag, ug gumikan niini, adunay tema ang Davao Mega Travel Sale karong tuiga nga “Discover the Magic of Travel”.
