DAVAO CITY – Gawasnon pa gihapon ang suspek nga mi-hold-up ug midunggab ug nakapatay sa biktimang taxi driver nga sumala pa sa Bunawan Police Station nga dead on arrival sa Southern Philippine Medical Center (SPMC) gumikan sa nabulit ug samad dinunggaban sa lawas.
Una nang naila ang biktima nga usa ka Joel Dericho 39 anyos, taga-Purok 2, New Visayas, Panabo City driver sa STC Taxi Body Number 106 nga dunay Plate Number 671.
Nasayran gikan kang Bunawan Police Station Commander PCI Estrillo Ramiso nga dili pa nila masulti kung robbery hold-up ba gayud ang nahitabo.
Kini gumikan kay anaa ang cellphone ug ang pitaka sa biktima.
Mga alas 3:45 kaganinang kaadlawon dihang nagpakitabang ang biktima sa suok nga bahin sa Abudo Compound sa Ilang, ning dakbayan sa Davao nakita sa usa ka residente nga police Atiwana Kudata ang biktima hinongdan nga dali niya nga gidala sa SPMC.
Mihangyo ang ang biktima nga dalion siya sa pagdala sa hospital sa kabalaka nga mamatay siya.
Gitataw ni PCI Ramiso nga bangko pa gihapon sila sa motibo sa nahisgutan nga insidente, apan milusad na karon ug dugang background check ang kapolisan alang sa posibling pag-ila sa pagkatawo sa biktima ug ang posibling pag-ila sab sa mga kriminal.
