DAVAO CITY – Ipahigayon sa usa ka dagkong mall sa dakbayan sa Davao ang usa ka jobs fair nga magtanyag ug mga trabaho ug oprotunidad sa sektor sa turismo.
Kapin dos mil ka mga job offerings ang itanyag sa Department of Tourism 11, Department of Labor and Employment 11, Public Employment Service Office (PESO), ug Davao Tourism Association atol sa ilang Philippine Tourism Job Fair karung Setyembre 22 hangtud 23, ning tuig kasamtangan.
Gikanayon ni DOLE 11 Director Randolf Pensoy, musalmot ang kapin 35 ka mga kumpanya sa maong jobs fair.
Kapin 50 ka mga employers sab gikan sa tourism sectors ang mag-abli sa mga aplikasyon on the spot.
Gilauman sa DOT 11 Director Tanya Rabat-Tan nga makadani kini ug mga aplikante sulod ug gawas sa dakbayan.
Mamahimong makareserba ug slot atol sa jobs fair pinaagi sa pag-register sa website sa PHILJOBNET.
Ipahigayon sab ang maong kalihukan sa mga syudad sa Cebu ug Manila.
Makita sa mga social media sites sa Department of Tourism 11 ang tanang kasayuran.
via || Bombo LJ Florendo
