DAVAO CITY – Gikabutuyag sa Department of Tourism – Davao nga daghang mga resorts diri sa rehiyon ang dili pa accredited sa ilang buhatan.
Sumala pa sa DOT – Davao, tulo pa lamang ka resorts ang naaprubahan sa ilang accreditation mao ang Canibad Secret Paradise ug Paradise Island Park and Beach Resort sa Samal Island ug Malagos Garden Resort sa Davao City.
Nahilakip niini ang 25 ka mga resorts nga na-repaso ang ilang accreditation niadto pang Oktubre 31.
Gikanayon sa regional director sa buhatan nga si Tanya Rabat-Tan, gisabutan kini matud pa uban sa mga tourism officers nga lihukon ang accreditation tungod pipila sab sa mga establisyemento ang dili pa kwalipikado.
Kasagaran sab sa mga resorts, naga-operate partikular na sa Governor Generoso, Davao Oriental diin usa ka resort sa lugar nga bag-uhay lang nalambigit sa isyu tali sa ilang guests ang gikabutyag nga dili sab accredited sa DOT 11.
Sakop sa maong pag-ila ang mga sumbanan sama sa permit and registration to operate, kadak-on sa kwarto ug uban pang rekisitos, nga kasagarang wala nagbaton ang usa ka resort.
Hangyo karon ni Rabat – Tan ngadto sa regional accreditation team nga tabangan ang mga resorts nga makuha ang ilang accreditation aron maila sa DOT ang ilang serbisyo ngadto sa mga turista.
via || Bombo LJ Florendo
