DAVAO CITY- Nag-awhag ang Department of Health Davao sa mga ginikanan ug guardian nga pahimuslan ang libreng bakuha nga gitanyag sa pamahalaan aron malikay sa sakit ang mga gagmay nga bata.
Sumala pa ni Dr. Annablle Yumang, regional director sa DOH Davao nga laraw sa ilang buhatan ang mabakunahan ang anaa sa 29,041 nga mga kabataan sa rehiyon. Sa datos nga gipaguwa sa maong ahensya, anaa sa 9,083 na ang natagaan og catch up vaccination gikan tuig 2023, samtang anaa sa 4,487 nga kabataan usab ang ilang natagaan ning kasamtangang tuig.
Kabahin niini, malaumon ang DOH Davao nga makab-ot ang target sa ihap sa mga kabataan nga matagaan g bakuna subay sa routine cath-up vaccination sa Davao Region.
Samtang, subli sab niining giwahag ang mga ginikanan nga dakong tabang gayud ang pagpabakuna sa ilang mga anak aron malikay sa mga sakit susama na lamang sa tipdas, polio, pertussis, ug uban pa.
Samtang sa pikas bahin, gipasalig sab sa opisyal nga magpadyaon ang ilang laraw nga matagaan og serbisyo ang mga katawhan nga anaa sa lagyong dapit pinaagi sa pagpatukod og daghanan pang healtcare faciities sa Davao Region sa pagpanguna sa Department of Health.
