DAVAO CITY- Kumpirmado nga gipangtanggal sa ilahang katungdanan ang 19 Ka mga station commanders sa Davao City Police Office.
Subay sa impormasyon gikan sa PRO-11, ang mismong kamanduan ang naggikan kang Police Regional Office 11 Director Brigadier General Nicholas Torre. Kini ang gikumpirma ni PMaj. Catherine Dela Rey ang tigpamaba sa PRO-11.
Sumala pa sa opisyal nga pulihan ang disinuybi ka mga opisyal gikan sa mga istasyon sa kapulisan sa probinsya.
Samtang ipangdestino sumala pa ang mga gitanggal nga mga opisyal sa mga nagkadaiyang bahin usab sa Davao Region.
Nasayran nga lakip sa mga gipang-relieve ang bag-o lamang milingkod isip officer in charge sa mga istasyon sa kapulisan.
Dugang pa ni Dela Rey nga kini nga lakang ang kabahin sa tahas ug trabaho sa Regional Director nga modistino ug magdestino sa mga opisyal sa kapulisan.
