DAVAO REGION- Gikabutyag ni DEPED XI Spokesperson Jenielito ‘Dodong’ Atillo nga hinay-hinay ng nag-pa-enroll ang mga ginikanan sa ilahang mga anak sa nagkadiayang tulunghaan sa rehiyon alang sa School Year 2024-2025.
Apan matud pa ni Atillo nga gamay pa lamang ang maong ihap og kini ang tugod kay mao pa lamang ang pagsugod sa maong enrollment period.
Ginalauman usab karong sa mga tulunghaan ang pagdagsa sa mga buot magpa-enroll samtang kini ang nagapadayon. Matud pa kay Mrs.Luzviminda P. Medina, usa ka school teacher, ug brigada coordinator sa Magallanes Elementary School nga atol sa maong pagsugod sa enrollment niadtong adlaw miyerkules, ubay-ubay na usab ang mga nagsayo og pa enroll.
Sumala pa niini nga anaa sa kwatro mil ka mga magtutungha ang ilahang ginalaumang ning tuiga.
Pahimangno usab ni Atillo ngadto sa mga ginikanan nga gahinan gayud og panahon og oras ang ilahang mga anak nga ipa-enroll samtang sayo tungod kay dili pa nila maingon og aduna bay mahitabong extension sa maong enrollment period tungod taas ang panahon nga gihatag karon alang sa enrollment period gikan Hulyo 3-26 ning tuiga.
Samtang ang brigada skwela magsugod usab karung umaabot nga Hulyo 22 hangtod Hulyo 26 diin ang ang Abri klase karung umaabot nga Hulyo 29 tuig kasamtangan.
