DAVAO CITY – Padayon ang pahimangno karon ni Col. Kirby John Kraft, director sa Davao City Police Office (DCPO) ngadto sa publiko nga likayan ang pagsupak sa mga gipatuman nga mga polisiya karong panahon sa Enhanced Community Quarantine (ECQ).
Tipik lamang ang pahayag sa opisyal human nga ubay-ubay na ang ilang mga nasikop sukad nga ilang gipatuman ang hugtanon nga mga polisiya sama sa curfew hours, paglapas sa Social distancing sama sa pagtapok-tapok ug paglapas sa paggamit ug Food and Medicine (FM) Pass.
Base sa ulahing listahan nga ilang natala, anaa sa 608 ang nakalapas sa curfew; 263 ka mga violators sa paggamit ug FM pass; anaa sa 120 ang sa Liquor ban; ug 69 ka mga violators sa Social Distancing o adunay kinatibuk-ang P1,069.
Sa kasamtangan, anaa na matud pa sa 388 ka kaso ang ilang naduso sa mga violators.
