-- ADVERTISEMENT --
DAVAO CITY – Giila isip the Most Innovative Public Library in Adaptive Library Services and Programs ang Davao City Library and Information Center (DCLIC) sa The Asia Foundation and the National Library of the Philippines.
Matud pa ni DCILC Officer-In-Charge Salome M. Enoc, ang award nasakmit tungod sa inisiyatiba sa electronic learning ug pagpausbaw sa satellite reading areas atol sa pandemic.
Saysay sab niini nga sukad nasira ang library sa publiko, mihatag ang lokal nga panggamhanan og online access sa Britannica Library, online storytelling, ug mihatag sab og e-books pinaagi sa email.
Dugang pa, gipalapdan ang programa sa pagpanghatag og mga reading materials sa mga lagyong barangay pinaagi sa mobile library.
