DAVAO CITY – Subling gipakusgan sa Davao City COVID-19 Task Force ang ilang panawagan ngadto sa tanang mga senior citizens ug mga persons with comorbidities nga magpa-booster na aron nga maka-angkon og dugang protection batok sa risgong hatud sa maong virus.
Subay sa morbidity Week 36, anaa sa 11 gikan sa 19 ka mga nakabsan sa kinabuhi ang gilangkuban sa mga senior citizens lakip ang unom nga nakadawat og first ug second dose apan wala na nakadawat og booster shot.
Samtang ang laing lima ka mga senior citizen ang dili bakunado. Nanawagan na lamang si Dr. Michelle Schlosser, tigpamaba sa Davao City COVID-19 Task Force, sa mga senior citizens sa dakbayan nga mag-avail sa booster shots gumikan nasayran gikan sa datos nga ang maong age group ang adunay pinaka taas nga ihap sa mga nangamatay.
