DAVAO CITY – Gikalipay sa lalawigan sa Compostela Valley ang hingpit nga paglagda ni Pangulong Rodrigo Duterte sa balaudnon nga nag-usab sa ngalan sa probinsiya ngadto sa Davao De Oro (DDO).
Kahinumduman nga gipangunahan ni Rep. Maria Carmen “Maricar” Zamora, usa sa isponsor sa Davao de Oro bill, kauban ang mga representante nga sila si Pedro Acharon Jr. ug Ruwel Peter Gonzaga, ingon man senador Juan Miguel Zubiri ug Sonny Angara sa miduso sa Senate Bill 1746, kaniadtong Disyembre 10, 2018 aron nga hulipan ang pangalan sa lalawigan.
Kahinumduman nga ang Compostela Valley na lamang sa mga probinsiya sa Region 11 ang walay “Davao” sa pangalan niini.
Sa kasamtangan, gipangandaman na karon sa lalawigan ang “formal transition” nga kabahin sa preparasyon sa ipahigayon nga plebisito.
Gitataw ni Zamora nga ang Commission of Elections (Comelec) maoy mo-isyu sa pinal nga petsa alang sa himuon nga plebisito.
