Nanawagan ang Chinese Embassy sa Pilipinas sa gobyerno nga i-ban ang Philippine Offshore Gaming Operations (POGOs) sa nasud tungod kay kadaghanan sa mga nalambigit niini, mga Chinese national.
Sigon sa embahada, gidili sa ilang balaud sa China ang tanang klase sa sugal apil na ang mga negosyong duna’y kalambigitan sa sugal sa ubang nasud sama sa POGO.
Sigon sa embahada, makadaut ang POGO sa parehong interes ug imahe sa Pilipinas ug China apil na usab sa ilang relasyon.
Alayon niini, nakig-alayon na ang gobyerno sa China ngadto sa mga otoridad sa Pilipinas kalabot sa mga Chinese nationals nga nalambigit sa mga ilegal nga kalihukan dinhi sa nasud.
Hugot usab nilang gibabagan ang bisan unsa mang wala’y basehang akusasyon batuk sa China ilang nasud, may kalabutan sa isyu sa POGO.
Gipadayag kini sa embahada sa China isip tubag sa pagkadiskubre sa mga POGO hub sa lalawigan sa Tarlac ug Pampanga ilabina dihang narekober ang uniporme nga susama sa ilang mga sundalo sa People’s Lieration Army kon PLA.
