Gikumpirma sa imbestigasyon nga blunt force trauma ang hinungdan sa kamatayon ni kanhing DPWH Undersecretary Maria Catalina Cabral.
Subay sa pamahayag ni Department of Interior and Local Government (DILG) Secretary Jonvic Remulla nga gisubay una sa kanhing opisyal ang nasampit nga lugar ayha ang maong panghitabo.
Matod ni Remulla, samtang paingon pa sila sa Baguio, gipahunong ni Cabral ang sakyanan sa eksaktong lugar.
Migawas siya ug milakaw padulong sa tumoy sa pangpang, ug nakita sila sa mga pulis nga miingon nga bawal moparada didto ug gipapahawa sila. Human niini, mipadayon sila sa ilahang hotel.
Dugang pa ni Remulla, sa gitas-on nga 30 metros, nga tugbang sa 10 ka andana nga building, gipili ni Cabral ang lugar nga klaro nga naklaro niini nga kusog kaayo ang impact. Matod pa niya, ang kaseryoso sa tumong sukdon subay sa kapeligroso sa pamaagi nga gigamit.
Kahinumduman nga si Cabral, nga milukso nga miresulta sa kamatayon sa usa ka daplin sa Kennon Road sa Tuba, Benguet, usa ka mahinungdanon nga personalidad sa nagpadayon nga imbestigasyon batok sa mga nasyonal ug lokal nga opisyal nga nalambigit sa giingong budget insertion ug ghost flood control projects sa nagkalain-laing bahin sa nasud.
Sa usa ka paghinabi, gibutyag ni Remulla nga base sa resulta sa autopsy, walay nakit-ang timailhan sa foul play sa kamatayon ni Cabral.
Una sumala nga gisusi ang lugar sa insidente ug wala silay nakit-ang ebidensya sa dautang duwa.
Bisan ang iyang sakyanan, walay timailhan nga adunay foul play.
Matod pa niya, tanang indikasyon ug unang mga nakaplagan nagpunting nga pag-unay sa kinabuhi ang posibleng hinungdan sa kamatayon ni Cabral.
Bisan pa niini, gibutyag niya nga ipadayon gihapon ang hugot ug lawom nga imbestigasyon aron mawagtang ang mga pagduda ug peke nga mga balita.
Sumala pa niya, ang bugtong paagi sa pag-alkontra sa mga conspiracy theory mao ang pagsulti sa tinuod, mao nga seryoso nilang gipangita ang kamatuoran.
Gibutyag usab sa DILG Chief nga ang autopsy nagpakita nga ang mga samad nagtugma sa blunt force trauma nga resulta sa 30-metros nga pagkahulog.
Nabali ang tuo nga bahin sa nawong ni Cabral, likod sa ulo, naputol ang mga gusok nga misulod sa internal organs, ug nabali usab ang iyang mga tiil.
Dugang usab niini nga walay timailhan sa pakigbisog sulod sa sakyanan, walay nakitang skin cells sa ilawom sa mga kuko ni Cabral, ug walay nakita usab nga samad nga gitirador o gunshot wound sa tibuok imbestigasyon.
