Nakbsan sa kinabuhi ang usa ka batan-on human nga nahaybol sa iyahang gimanehong motorsiklo.
Subay sa report gikan sa kapulisan, giila ang biktima nga usa ka Aldrin, 18-anyos nga residente sa Purok 33, Brgy. Calinan, Calinan District ning dakbayan sa Davao.
Sa gihimong imbistigasyon sa kapulisan sa Baguio, nagmaneho ang biktima sa iyahang motorsiklo nga black and white Honda ADV motorcycle gikan sa sentro Baguio Proper, Baguio District ning Dakbayan.
Gilatas sumala pa niini ang Calinan -Cadalian road ilabi na sa kurbadang bahin sa Purok Rose, Brgy Baguio proper, apan aksidente nga na overshoot sa kanal nga bahin sa maong dalan ang biktima human nga miovertake sa laing sakyanan ug nawad-an ug kontrol.
Tungod sa maong panghitabo dali kining narespondehan sa medical team sa Central 911, wala na kini matabang pa ang biktima ug gideklara kining nakabsan sa kinabuhi.
Gumikan sa maong panghitabo, giawhag karon sa kapulisan ang tanang motorista nga tumanon ang speed limit, icheck ang motorsiklo o sakyanan ayha mubyahe, magsuot ug protected gear o labaw sa tanan likayan ang pagdrive nga lango sa ilimnong makahubog.
Sa karon igo na lamang nga nagbangutan ang kabanay sa biktima.
