Mangandam na si Filipina tennis star Alex Eala alang sa US Open sa Flushing Meadows, Queens, New York, wala pay usa ka semana human matapos ang iyang kampanya sa Cincinnati Masters.
Napildi si Eala kang Amanda Anisimova, 4-6, 6-4, 6-2, apan gipakita gihapon niya ang kusog nga pagsukol batok sa American star.
Matod pa ni Anisimova, lisod nga kontra si Eala ug kinahanglan niya pangitaon ang hustong pamaagi aron mabawi ang duwa.
Dugang pa, gibarugan ni Eala nga makatabang ang momentum sa confidence apan dili kini garantiya sa kadaogan, busa kinahanglan gihapon ang seryosong pagpangandam.
Lakip sa iyang sunod nga kampanya ang singles ug mixed doubles, diin makaparis niya si Canadian star Felix Auger-Aliassime.
Sa pagkakaron, dala ni Eala ang lig-on nga resulta gikan sa Wimbledon, DC Open ug Toronto ngadto sa Flushing Meadows.
Gipaabot usab ang kusog nga suporta sa Filipino community sa Queens samtang paningkamotan niyang magpadayon ang maayong dagan sa iyang North American hardcourt season. | VIA BOMBO EROS PAJOTA
