-- ADVERTISEMENT --

Mipirma og Memorandum of Cooperation (MoC) ang Department of Energy (DOE) ug ang gobyerno sa Japan alang sa pagtukod sa strategic petroleum reserves sa Pilipinas aron masiguro ang igong reserba sa lana sa nasud panahon sa posibleng krisis o pagkaputol sa suplay niini.

Gipangunahan ni DOE Secretary Sharon S. Garin ug Japan Minister of Economy, Trade and Industry Ryosei Akazawa ang pagpirma sa maong kasabutan.

Pinaagi niini, magtinabangay ang duha ka nasud sa pagplano og episyenteng sistema sa pagtipig sa krudo, pagtimbang-timbang sa angay nga mga pasilidad, ug pagpangita og malungtarong pamaagi sa pagpondo sa proyekto.

Lakip usab sa kasabutan ang pagpaambit sa teknikal nga kahibalo ug pagpalig-on sa kooperasyon aron mas maandam ang Pilipinas sa kalit nga pagbag-o sa presyo ug suplay sa lana sa tibuok kalibotan.

Importante ang maong lakang sa pagpalig-on sa seguridad sa enerhiya sa nasud ug pagpanalipod sa mga konsumidor, negosyo ug industriya batok sa posibleng krisis sa suplay sa lana.

-- ADVERTISEMENT --