Gilauman nga magpabiling hinay ang paggasto sa mga panimalay sa Pilipinas sa 2027 tungod sa huyang nga pagsalig sa mga konsumidor sa kahimtang sa ekonomiya, sumala sa Business Monitor International, usa ka a provider sa economic, industry, and country risk analysis unit ubos sa Fitch Solutions.
Subay sa datos, motubo lamang og 2.8 porsyento ang paggasto sa mga panimalay sa sunod tuig, nga usa sa labing hinay nga pagtubo sukad sa post-pandemic period.
Mikunhod usab ngadto sa 2.4 porsyento ang pagtubo sa paggasto sa mga panimalay sa ikatulong quarter sa 2026, gikan sa 4 porsyento sa samang panahon sa miaging tuig ug 2.9 porsyento sa miaging quarter.
Lakip sa mga hinungdan niini ang padayong pagsaka sa presyo sa mga palaliton, gasolina ug pagkaon, kawalay kasigurohan sa ekonomiya, ingon man ang pagkahuyang sa Philippine peso.
Dugang pa sa BMI, gilauman usab nga mosaka ngadto sa 5.4 porsyento ang inflation rate sa 2027, nga posibleng mopugos sa mga panimalay nga mas dako nga bahin sa ilang kita ang igahin sa mga batakang panginahanglanon.
Bisan pa sa gipaabot nga positibong pagtubo sa purchasing power sa mga panimalay ug kalig-on sa merkado sa trabaho, gilauman gihapon nga mahimong babag sa konsumo ang nagkadakong utang ug gasto sa pagbayad niini.











