-- ADVERTISEMENT --

Gidapit ni Brazilian President Luiz Inácio Lula da Silva si Pangulong Ferdinand Marcos Jr. nga mobisita sa Brazil sa sunod nga tuig isip lakang sa pagpalig-on sa relasyon ug kooperasyon tali sa duha ka nasod.

Gihimo ang imbitasyon atol sa pagbisita ni Lula sa Pilipinas alang sa ika-49 nga ASEAN Summit, diin nahimong unang Brazilian president nga mibisita sa nasod.

Matud ni Lula, andam ang Brazil sa pagtukod og mas lig-on nga partnership sa mga nasod nga adunay potensyal sa kooperasyon. Lakip sa iyang gidapit mao si Singapore Prime Minister Lawrence Wong, nga maoy mopuli sa pagpangulo sa ASEAN sa sunod nga tuig.

Samtang, niadtong Sabado, mipirma og pipila ka kasabutan ang Pilipinas ug Brazil atol sa ilang bilateral meeting. Naglangkob kini sa kooperasyon sa agrikultura, livestock o pag-atiman ug pagpadaghan sa mga kahayopan, ug pagpatuman sa mga balaod batok sa anti-competitive nga mga pamaagi sa negosyo.

Pinaagi sa maong mga kasabutan, gitinguha sa duha ka nasod nga palapdan pa ang ilang kooperasyon sa nagkalain-laing sektor.

-- ADVERTISEMENT --