Nagpaabot og paglaom ang usa ka eksperto sa balaod sa konstitusyon nga makapresentar og lig-on nga ebidensya ang mga abogado sa depensa ni Vice President Sara Duterte kalabot sa Article II sa impeachment complaint nga naghisgot sa giingong unexplained wealth.
Sa pakighinabi sa Bombo Radyo Philippines kang Atty. Ephraim Cortez, presidente sa National Union of Peoples’ Lawyers (NUPL), gipunting niini nga kinahanglan magpakita ang depensa og konkretong mga dokumento bisan pa sa pag-atras sa ilang unang saksi nga si Dean Ralph Sarmiento.
Matod ni Cortez, usa kini sa mga hagit nga giatubang sa defense team tungod kay nakaporma na og lig-on nga argumento ug nakapresentar na og mga ebidensya ang prosecution panel batok sa Bise Presidente.
Tungod niini, importante nga maandam sa depensa ang mga testimonya ug resibo nga direktang motubag sa mga alegasyon bahin sa dili maipatin-aw nga bahandi sa pamilya.
Gilauman usab nga tutokan sa mga tigpaminaw sa impeachment trial kung kinsa ang sunod nga ipresentar nga saksi sa depensa human sa pag-atras ni Sarmiento.
Nakatakdang magpadayon ang pagtaral sa Senate Impeachment Court karong adlawa, Nobyembre 9,2026 diin sugdan sa kampo sa Bise Presidente ang opisyal nga pagpresentar sa ilang mga ebidensya.
