Misaka na sa finals sa 2026 Hong Kong Tennis Open ang Filipina tennis star nga si Alex Eala, human mapildi ang world No. 9 nga si Maria Sakkari sa Greece sa ilang semi-final match.
Nakuha ni Eala ang kadaugan pinaagi sa iskor nga 7-5, 3-6, 6-4, bisan pa sa mga paghunong sa duwa tungod sa dili maayong kondisyon sa panahon.
Nagpakita og lig-on nga determinasyon ang Filipina player human mapildi sa ikaduhang set, ug nakabawi sa deciding set aron makuha ang kadaugan batok sa mas taas og ranggo nga kontra.
Giila kini nga pinakamaayong kadaugan sa career ni Eala batok sa usa ka top-10 player ug ikaduhang professional circuit finals appearance niya karong tuiga.
Nahinumdoman nga nakadaog usab si Eala sa iyang unang professional singles title sa W50 Pune sa India.
Sa finals, atubangon ni Eala ang Amerikanang si Claire Liu alang sa kampiyonato sa maong WTA 250 tournament.
