Misumite si Pope Leo XIV sa iyang mail-in ballot alang sa umaabot nga midterm elections sa Estados Unidos, sumala sa Vatican kaniatong Biyernes, Oktubre 30, 2026.
Sa kasaysayan, si Pope Leo XIV ang giila nga unang Santo Papa nga nakigbahin sa eleksyon sa Estados Unidos, ug posibleng unang Santo Papa usab nga nakaboto sa usa ka sekular ug demokratikong eleksyon.
Sa pahayag sa Vatican, gipasiugda sa Santo Papa ang iyang pagtuo nga katungod ug katungdanan sa matag lungsoranon ang pag-apil sa mga demokratikong proseso.
Base sa opisyal nga mga rekord, rehistrado ang Santo Papa sa New Lenox, Chicago, gamit ang iyang ngalan sa pagkabunyag. Didto usab siya miboto atol sa 2024 US presidential elections.
Gilauman nga maglakip sa iyang balota ang pagpili alang sa mga posisyon sa Senado ug gobernador sa Illinois, lakip na ang mga lumulupyo nga magpapili og representante sa House of Representatives ug mga opisyal sa estado ug lalawigan.
Bisan pa nga lider siya sa Estado sa Vatican, nagpabilin gihapon si Pope Leo XIV nga usa ka lungsoranon sa Estados Unidos, busa gitugotan siya nga mogamit sa iyang katungod sa pagboto.
