-- ADVERTISEMENT --
Gipasalig ni Department of Transportation o DOTr Secretary Vince Dizon nga dili maapektuhan ang mga reporma sa Department of Public Works and Highways o DPWH bisan pa sa pagbaylo nila og posisyon ni Secretary Giovanni Lopez.
Matud ni Dizon, gilauman pa gani nga mas mapadali ang pagpatuman sa mga reporma ubos sa pagpangulo ni Lopez, tungod sa mas lawom nitong kasinatian ug kahibalo sa mga sistema sa gobyerno.
Gipasiugda usab ni Dizon nga gitugyan kanila ni Presidente Ferdinand Marcos Jr. ang maong mga katungdanan aron matul-id ang mga sayop ug masumpo ang korapsyon sa mga ahensya sa gobyerno.
Giklaro sa kalihim nga magpadayon ang mga kausaban ug mga lakang sa pagpalambo sa serbisyo publiko bisan pa sa pagbag-o sa liderato sa DPWH.
