Misang kad pa ang kusog sa Super Typhoon Rosal samtang nagpadayon kini sa paglihok paingon sa west northwestward ibabaw sa Philippine Sea, sa sidlakan sa Central Luzon.
Base sa pinakabag-ong datos, ang sentro sa bagyo namatikdan sa gilayong 1,270 kilometros sa sidlakan sa Central Luzon. Aduna kini karong maximum sustained winds nga 195 kilometros matag oras duol sa sentro, samtang moabot sa 240 kilometros matag oras ang kusog sa paghuros sa hangin o gustiness.
Gibana-bana nga molihok ang Super Typhoon Rosal sa gikusgon nga 25 kilometros matag oras paingon sa west northwestward. Tungod niini, gipahimutang na sa Wind Signal No. 1 ang Batanes, Babuyan Islands, amihanang bahin sa Ilocos Norte, lakip ang Pagudpud, ingon man ang amihanan ug sidlakang bahin sa mainland Cagayan.
Apil usab sa mga lugar ubos sa Wind Signal No. 1 ang amihanan-sidlakang bahin sa Isabela, lakip ang Maconacon, Divilacan ug Palanan, ug amihanan-sidlakang bahin sa Catanduanes, lakip ang Pandan, Bagamanoc, Panganiban, Viga ug Gigmoto. Giawhag ang mga residente sa mga apektadong lugar nga magbantay sa sunod nga mga pahibalo sa PAGASA ug mangandam sa posibleng epekto sa bagyo.
