Miubos og usa ka pwesto ngadto sa No. 19 si Filipino tennis star Alexandra “Alex” Eala sa pinakabag-ong Women’s Tennis Association o WTA rankings, sumala sa report.
Gikan sa iyang career-high ranking nga No. 18 kaniadtong Agosto, adunay 2,241 puntos si Eala. Nalabwan siya ni Belgian tennis player Elise Mertens, nga misaka gikan No. 19 ngadto sa No. 14 human makatigom og 2,540 puntos.
Bisan pa niini, nagpabilin si Eala nga usa sa mga historikong nakab-ot ang taas nga ranggo sa WTA alang sa Southeast Asia, nga milabaw sa kanhing No. 19 nga ranggo nina Yayuk Basuki sa Indonesia ug Tamarine Tanasugarn sa Thailand.
Samtang, gikatakdang sugdan ni Eala ang iyang kampanya sa Wuhan Open, usa ka WTA 1000 tournament sa China, batok sa Chinese qualifier nga si Han Shi, karung adlawa, Oktubre 12, 2026, alas 8:40 sa gabii (Philippine Standard Time). Makigpares usab siya kang Turkish player Zeynep Sönmez sa doubles event batok sa pares gikan Ukraine nga sila Dayana Yastremska ug Anhelina Kalinina.
