-- ADVERTISEMENT --
Gikumpirma ni Ombudsman Boying Remulla karong adlawa nga gidawat na kuno sa Malacañang ang opisyal nga pagbiya sa puwesto ni Department of Information and Communications Technology o DICT Secretary Henry Aguda.
Sa wala pa ang iyang pagbiya, nangulo si Aguda sa DICT ug mipasiugda sa nagkalainlaing programa alang sa digital transformation ug pagpalapad sa koneksiyon sa internet sa tibuok nasod.
Wala pa magpagawas og opisyal nga pahayag ang Malacañang bahin sa hinungdan sa iyang pagbiya sa puwesto o kung kinsa ang mopuli kaniya isip sekretaryo o itudlo nga officer-in-charge o OIC sa departamento.
Sa pagkakaron, gipaabot pa ang dugang nga impormasyon ug opisyal nga pahayag gikan sa Palasyo ug sa DICT bahin sa transisyon sa pagpangulo sa ahensya.
