Gilaumang mosaka ang pamasahe sa mga eroplano sugod Setyembre ning tuiga tungod sa pagtaas sa fuel surcharge nga gitakda sa Civil Aeronautics Board o CAB.
Matod sa CAB, ipataas ngadto sa Level 13 ang fuel surcharge gikan sa Level 12 tungod sa padayong pagsaka sa presyo sa jet fuel sa nasud.
Epektibo ang bag-ong fuel surcharge gikan September 1 hangtod 15.
Ubos sa Level 13, ang domestic flights adunay dugang singil nga gikan ₱423 hangtod ₱1,237, depende sa gilay-on sa destinasyon.
Samtang, ang international flights adunay fuel surcharge nga gikan ₱1,396.74 hangtod ₱10,385.42.
Ang fuel surcharge usa ka optional fee nga mahimong kolektahon sa airlines aron makatabang sa pag-cover sa mas taas nga gasto sa fuel.
Lahi kini sa base fare nga kasagarang bayran sa mga pasahero.
Gikan sa kanhing monthly adjustment, karon kada 15 ka adlaw na kini ginarepaso ug ginapatuman.
Tungod niini, posible nga mas dali usab makita sa airline fares ang epekto sa paglihok sa presyo sa jet fuel.
