Mikabat na sa 78,785 ka household ang nakadawat og P2,000 nga assistance ubos sa Unified Package for Livelihoods, Industry, Food, and Transport kon UPLIFT Program sa Department of Social Welfare and Development Field Office XI hangtod Agosto 24, 2026.
Matod sa DSWD XI, mikabat na sa P157.57 milyon ang kinatibuk-ang pondo nga na-disburse alang sa maong programa.
Dugang pa, gitumong ang UPLIFT Assistance aron makatabang sa mga pamilyang naapektuhan sa padayong taas nga gasto sa enerhiya ug uban pang epekto sa global economic pressures.
Gipatuman ang programa ubos sa Executive Order No. 110, series of 2026, pinaagi sa whole-of-government approach.
Lakip sa prayoridad ang mga kabus ug vulnerable sectors nga nanginahanglan og dugang financial support aron matabangan sa ilang adlaw-adlaw nga panginahanglan.
Sa pagkakaron, padayon ang distribution sa DSWD Field Office XI ngadto sa mga kwalipikadong benepisyaryo sa nagkalain-laing lugar sa Davao Region.| VIA BOMBO EROS PAJOTA
