Gilusad sa House of Representatives ang unang LegisHear Town Hall sa Isabela State University sa Echague, Isabela, aron ipasabut sa publiko ang proseso sa paghimo og balaod ug hisgutan ang mga prayoridad nga mga gisugyot na balaod.
Sumala pa, lakip sa mga gihisgutan ang KALINGA Act, ang mga gisugyot nga pagbag-o sa Rice Tariffication Law, ug ang proseso sa pagpanday sa mga balaod. Dugang pa niini, gipahigayon usab ang usa ka open forum, diin nakahatag og mga pangutana ug mga sugyot ang mga mitambong kabahin sa mga isyung ilang nasinati sa ilang komunidad.
Matud pa kang House Speaker Faustino “Bojie” Dy III, tumong sa LegisHear ang pagpaminaw sa mga opinyon ug sugyot sa publiko aron mas mapalambo ang mga gisugyot nga balaod ug masiguro nga makatubag kini sa panginahanglan sa katawhan.Lakip sa gipadayag ni House Secretary General Cheloy Velicaria-Garafil nga ang mga hisgutanan sa matag LegisHear ibase sa mga nag-unang isyu sa matag probinsya.
Alang usab sa Isabela, gihatagan og dakong pagtagad ang mga isyung may kalabotan sa agrikultura, ilabina ang Rice Tariffication Law ug KALINGA Act. Sa pagkakaron, gitapos ang maong kalihokan pinaagi sa mga group discussion ug konsultasyon uban sa mga representante sa nagkadaiyang ahensya sa gobyerno aron matigom ang mga sugyot sa publiko sa dili pa mapinal ang mga gisugyot nga balaod.
