Mihangyo si Manila Mayor Francisco “Isko” Moreno Domagoso sa mga lider sa nasud nga maghiusa ug magkasinabtanay taliwala sa nagpadayon nga tensiyon sa politika. Matud pa saiyang pahayag, gihangyo sa alkade ang mga lider sa nasyunal nga gobyerno nga maghatag og panahon aron hisgutan ang mga nag-unang isyu nga giatubang sa nasud.
Dugang pa, gikanayon niini nga importante nga makakaplag og komon nga panagsabot o “Common Ground” ang nagkadaiyang kampo tungod kay wala’y maayong padulngan ang nagkalain-laing direksyon sa pagpanguna. Dugang pa niini, gibutyag usab ni Moreno nga ang kaayohan sa katawhan angay unahon bisan pa man sa nagkalain-laing baruganan ug politikal nga pagtuo.
Gihangyo usab niini ang publiko nga iampo ang mga lider sa nasyunal nga gobyerno aron hatagan sila og kaalam ug giya sa paghimo sa mga desisyon alang sa nasud. Lakip sa iyang gipasabot nga ang ordinaryong mga lungsoranon maoy unang maapektuhan kon mapakyas ang mga institusyon sa gobyerno sa pagtuman sa ilang responsibilidad.
Sa pagsaulog sa Adlaw sa Kagawasan, gipahinumdoman usab ni Moreno ang mga lider nga ang kagawasan sa nasud nakuha pinaagi sa sakripisyo ug kabayanihan sa mga Pilipinong mitahan sa ilang kinabuhi alang sa nasud.
