Posibleng mag-atubang sa bag-ong reklamo ang 18 sumala pa ka mga kanhing Marines ug “bagmen” nga mitestigo sa pagdungog sa Senate Blue Ribbon Committee ubos sa kampo ni Senador Alan Peter Cayetano human nila gidawit ang pipila ka tag-as nga opisyal sa giingong korapsyon sa flood control projects.
Gipahayag nila Senador Vicente Sotto III ug Senador Erwin Tulfo nga magpasaka sila og kaso nga libel ug cyberlibel batok sa mga testigo tungod sa giingong sayop nga akusasyon ug dili angay nga mga detalye sa ilang testimonya.
Matud usab ni Senador Panfilo Lacson, mahimo usab manubag ang mga senador nga nagdumala sa maong pagdungog ilawom sa cyberlibel ug Article 177 sa Revised Penal Code tungod sa giingong pagpadayon sa committee hearing nga walay legal nga otoridad.
Una na nga nagpasaka og reklamo si Batangas Representative Gerville Luistro, Iloilo City Representative Julienne Baronda, ug kanhing Senador Antonio Trillanes, samtang hugot nga gilimod nila Rep. Leila de Lima, Zia Alonto Adiong, ug pipila ka kanhing miyembro sa Makabayan bloc ang mga alegasyon.
Sa pikas bahin, gipahibalo sa Philippine Navy nga upat sa 18 ka mga indibidwal wala gayod nahimong miyembro sa Philippine Marine Corps, samtang ang uban gi-discharge na kini nga adunay dishonorable status.
